💐💐💐💐💐💐💐💐💐 *ஜாக்டோ ஜியோ போராட்டத்தில் ஈடுபட்டவர்களின் மீதான குற்றவியல் ஒழுங்கு நடவடிக்கை ரத்து. தமிழக முதல்வரின் அறிவிப்புக்கு தமிழ்நாடு பட்டதாரி ஆசிரியர் கூட்டமைப்பின் பொதுச் செயலாளர் அவர்களின் அறிக்கை* ➖➖➖➖➖➖➖➖➖

 💐💐💐💐💐💐💐💐💐

*ஜாக்டோ ஜியோ போராட்டத்தில் ஈடுபட்டவர்களின் மீதான குற்றவியல் ஒழுங்கு நடவடிக்கை ரத்து. தமிழக முதல்வரின் அறிவிப்புக்கு தமிழ்நாடு பட்டதாரி ஆசிரியர் கூட்டமைப்பின் பொதுச் செயலாளர் அவர்களின் அறிக்கை*

➖➖➖➖➖➖➖➖➖

ஜாக்டோ-ஜியோ  கூட்டமைப்பின் சார்பில் ஆசிரியர்கள் அரசு ஊழியர்களின் வாழ்வாதார கோரிக்கையான  புதிய ஓய்வூதியத் திட்டத்தை ரத்து செய்துவிட்டு பழைய ஓய்வூதியத் திட்டத்தை நடைமுறைப்படுத்துதல்,  உள்ளிட்ட கோரிக்கைகளை வலியுறுத்தி 2019 ஜனவரி 22 முதல் 30 வரை வேலை நிறுத்தப் போராட்டம் நடைபெற்றது. இப்போராட்டத்தில் லட்சக்கணக்கான அரசு ஊழியர்களும், ஆசிரியர்களும் பங்கேற்றனர். போராட்டத்தில் பங்கேற்ற ஆசிரியர்கள், அரசு ஊழியர்கள் மீதான ஒழுங்கு நடவடிக்கைகளையும், குற்றவியல் நடவடிக்கைகளையும் ரத்து செய்துள்ள தமிழக அரசின் அறிவிப்பு மிகவும் காலதாமதமான நடவடிக்கை என்ற தமிழ்நாடு பட்டதாரி ஆசிரியர் கூட்டமைப்பு கருதுகிறது. இருப்பினும் ஊழியர்கள் நலன் கருதி அதனை வரவேற்கிறோம்.

ஒரு சமயம் போராட்டத்திற்கு எவ்வித தொடர்பும் இல்லாத வேலை நிறுத்த போராட்டத்தில் கலந்து கொள்ளாத இரண்டு அமைப்புகளின் பெயர்களை குறிப்பிட்டு அவர்களின் கோரிக்கையை ஏற்று இந்த நடவடிக்கை எடுப்பதாக அறிவித்துள்ள தமிழக அரசின் அறிவிப்பு களத்தில் நின்று வீரம் செறிந்த போராட்டத்தை முன்னெடுத்த ஆசிரியர்கள் அரசு ஊழியர்களை அவமதிப்பதாக உள்ளது.மேலும் ஆசிரியர்கள் அரசு ஊழியர்களின் கோரிக்கைகள் குறித்து நியாயமான கோரிக்கைகளை பேச்சுவார்த்தை மூலம் தீர்வு குறித்து அரசு எவ்வித அறிவிப்பும் வெளியிடவில்லை.

அம்மாவின் பெயரில் நடக்கும் இந்த அரசு மாண்புமிகு முன்னாள் முதல்வர் அம்மா அவர்களால் அமைக்கப்பட்ட ஓய்வூதியத்தை மறு ஆய்வு செய்ய அமைக்கப்பட்ட குழுவின் அறிக்கை குறித்து மௌனம் சாதிப்பது ஆசிரியர்கள் அரசு ஊழியர்களை ஏமாற்றும் நடவடிக்கையாகவே எமது அமைப்பு கருதுகிறது.

 தங்களது உரிமைகளை நிலைநாட்டிட ஜனநாயக ரீதியில் போராட்டத்தில் ஈடுபட்ட ஆசிரியர்கள், அரசு ஊழியர்கள் மீது காவல்துறை மூலமாகவும் பணியாற்றும் துறை மூலமாகவும் தமிழக அரசு பல்வேறு அடக்குமுறைகளைக் கையாண்டது.  பொய் வழக்குகளைப் புணைந்தது. மேற்கொண்டது. ஆயிரக்கணக்கான துறை ரீதியான ஆசிரியர்கள் அரசு ஒழுங்கு ஊழியர்கள் நடவடிக்கைகளை தொலைதூரப் பகுதிகளுக்கு பணியிட மாற்றம் செய்யப்பட்டனர். போராட்ட கால நிகழ்வுகளை மன்னிக்க முடிந்தாலும் மறக்க முடியாத தாகவே  உள்ளது.

 ஒழுங்கு நடவடிக்கைகளுக்கும் குற்றவியல் நடவடிக்கைகளுக்கும் உள்ளான பல்லாயிரக்கணக்கான ஆசிரியர்களும், அரசு ஊழியர்களும் வயது முதிர்வின் காரணமாகப் பணி ஓய்வு பெற அனுமதிக்கப்படாமலும், பதவி உயர்வுக்கான வழங்கப்படாமலும் அனுமதிக்கப்படாமலும் தேர்வு நிலை/சிறப்பு  நிலை ஆண்டு உயர்வு ஊதிய உயர்வுகள் கூட வழங்கப்படவில்லை.  பல்வேறு ஆசிரியர்கள் அரசு ஊழியர்கள் தொலை தூரங்களுக்கு பணி இடமாறுதல் செய்யப்பட்டனர.

இதனால் கோரிக்கைகளை முன்வைத்துப் போராடிய ஆசிரியர்களும் அரசுஊழியர்களும் ஒழுங்கு நடவடிக்கைகளையும் குற்றவியல் நடவடிக்கைகளையும் ரத்து செய்யக்கோரி  தமிழ்நாடு பட்டதாரி ஆசிரியர் கூட்டமைப்பு ஜாக்டோ-ஜியோ பெருமைப்படும் இந்திய பள்ளி ஆசிரியர் கூட்டமைப்பு கூட்டாக இணைந்து தொடர்ந்து போராட்டங்களை முன்னெடுத்தது.

31.01.2021 அன்று திருச்சியில் ஜாக்டோ-ஜியோ  நடைபெற்ற உயர்மட்டக்குழு கூட்டத்தில் சென்னையில் 08.02.2021 முதல் 10.02.2021 முடிய 72 மணி நேரம் உண்ணாவிரதம் இருப்பதெனவும், அந்நாட்களில் மாவட்டத் தலைநகரங்களில் ஆர்ப்பாட்டம் நடத்திடவும் முடிவு செய்யப்பட்டுள்ளது

இதன் பின்னணியிலும், தேர்தல்கால களச் சூழலை கருத்தில் கொண்டும்.தமிழ்நாடு முதலமைச்சர் இந்த ரத்து அறிவிப்பை வெளியிட்டுள்ளார். ஆசிரியர்கள், அரசு nmஊழியர்களின் கோரிக்கைகள் பற்றி முதலமைச்சரின் அறிவிப்பில் ஒரு வார்த்தை கூடஇல்லாதது மிகுந்த ஏமாற்றத்தை அளித்துள்ளது

 எனவே, தமிழக அரசு இனியும் தாமதிக்காமல் ஆசிரியர்கள் அரசு ஊழியர்களின் முக்கியக் கோரிக்கைகளை உடனடியாக நிறைவேற்றி அறிவிப்பு வெளியிட வேண்டும் மேலும் வேலை நிறுத்தக் காலத்தில் பணி மாறுதல் செய்யப்பட்ட பல்லாயிரக்கணக்கான ஆசிரியர்கள், அரசு ஊழியர்களை மீண்டும் வேலை நிறுத்தத்திற்கு முன்பு அவர்கள் பணியாற்றிய இடத்தில் பணியமர்த்திட வேண்டும். கடந்த காலங்களை போல் வேலைநிறுத்தக் காலத்தை முறைப்படுத்தி ஊதியம் வழங்கிட வேண்டும் என தமிழ்நாடு பட்டதாரி ஆசிரியர் கூட்டமைப்பு வலியுறுத்தி கேட்டுக்கொள்கிறது.

➖➖➖➖➖➖➖➖➖

*Dr.P. பேட்ரிக் ரெய்மாண்ட்*

 *பொதுச்செயலாளர்*

 தமிழ்நாடு பட்டதாரி ஆசிரியர் கூட்டமைப்பு

➖➖➖➖➖➖➖➖➖